ЦХИНВАЛ, 15 июн - Sputnik. Хуссар Ирыстоны ивгъуыд къуыри ӕрцыд ӕртӕ фӕндагон-транспортон цауы (ФТЦ), кӕцыты фӕстиуӕгӕн зиан баййӕфта иу адӕймаг, хъусын кӕны республикӕйы Мидхъуыддӕгты министрады (МХМ) пресс-службӕ.
Паддзахадон автоинспекцийы кусджытӕ фӕндӕгтыл ӕрурӕдтой 16 шофыры, кӕцытӕ скъӕрдтой хӕдтулгӕтӕ нозтджынӕй. Иумӕйагӕй ивгъуыд къуыри Паддзахадон автоинспекцийы кусджытӕ сбӕрӕг кодтой фӕндагон змӕлды 152 фӕткхалды.
Барадхъахъхъӕнӕг органты пресс-службӕ куыд хъусын кӕны, афтӕмӕй, 8-15 июны Хуссар Ирыстоны сӕххӕст кодтой ӕртӕ фыдракӕнды, кӕцытӕй дыууӕ раргом кодтой. Уымӕй дарддӕр, Цхинвалы ӕрцахстой цыппар адӕймаджы ӕхсӕнадон фӕткхӕлдты тыххӕй, уыдонӕй дыууӕйы тӕрхондон ӕрбаздахта административон бӕрнмӕ.
