Хуссар Ир ӕмӕ Уӕрӕсейы хсӕн арӕн ӕхгӕд уыдзӕн ноджы иу мӕй

© Sputnik / Natalia AiriyanХуссар Ир ӕмӕ Уӕрӕсейы хсӕн арӕн
Хуссар Ир ӕмӕ Уӕрӕсейы хсӕн арӕн  - Sputnik Хуссар Ирыстон
Уӕрӕсеимӕ арӕны сӕрты ӕнӕ уӕлбартӕй хизыныл тобӕ ӕвӕрд ӕрцыд апрелы райдианы республикӕйы коронавирусы апарахат ма руадзыны тыххӕй

ЦХИНВАЛ, 23 июн - Sputnik, Козаты Диана. Хуссар Ирыстоны хицауад аскъуыддзаг кодта Уӕрӕсеимӕ арӕны сӕрты хизыныл тобӕ адарддӕр кӕнын 31 июлы онг. Коронавирусы тыхмӕ тохы фарстытыл дзырд цыд ӕртыццӕджы министрты кабинеты рабадтыл.

Скъуыддзаг хаст ӕрцыд сыхаг бӕстӕты коронавирусы фӕдыл эпидемиологион уавӕр хынцгӕйӕ ӕмӕ республикӕйы цӕрджыты тӕссаг низӕй бахизыны нысанӕн.

Цхинвалы рынчындон - Sputnik Хуссар Ирыстон
Хуссар Иры коронавирус рабӕрӕг кодтой ноджы иу курсантӕн

Документмӕ гӕсгӕ, арӕны ӕхгӕд адарддӕр кодтой 2020 азы 31 июлы 13 сахаты ӕмӕ 59 минутӕйы онг.

"Махӕн ӕндӕр гӕнӕн нӕй, уымӕн ӕмӕ Цӕгат Ирыстоны уавӕр нырма стабилон нӕу. Цӕрджытӕ хъуамӕ уый ӕмбарой. Хицауад ахӕм арӕнӕвӕрдтӕ исы не 'мбӕстӕгты ӕнӕниздзинад бахъахъхъӕныны нысанӕн, - загъта Пухаты Эрик.

"Югосетпотребнадзор"-ы сӕргълӕууӕг Коцты Марина банысан кодта, зӕгъгӕ, кӕд ӕмӕ коронавирусимӕ уавӕр фӕхуыздӕр уа, уӕд фӕрогдӕр кӕндзысты арӕнӕвӕрдтӕ дӕр.

Уыимӕ 1 июлӕй республикӕйы скусдзысты сабидӕттӕ. Июлы ма бакӕндзысты сабитӕн боны лагерь дӕр Цхинвалы скъола-интернаты бындурыл.

Хуссар Ирыстоны марты кӕрӕттӕй ис арӕнӕвӕрдтӕ COVID-19-ы апарахат ма ‘руадзыны нысанӕн. Уӕрӕсеимӕ арӕны уылты хизыныл та тобӕ сӕвӕрдтой 5 апрелы.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала