ЦХИНВАЛ, 29 июн - Sputnik. Хуссар ӕфсӕддон зылды разӕсгарджытӕ полигон Дарьялы Цӕгат Ирыстоны райстой 10 квадроциклы. Уый тыххӕй хъусын кӕны Хуссар ӕфсӕддон зылды пресс-службӕ.
Ныры мототранспортон техникӕйӕ пайда кӕндзысты разӕсгарӕн ӕмӕ бӕрӕгдзау хӕслӕвӕрдтӕ ӕххӕст кӕнынӕн, афтӕ ма рейдон ӕмӕ агурӕн-ирвӕзынгӕнӕн операциты рӕстӕджы.
"Ӕфсӕддонтӕ, кӕцытӕ скъӕрдзысты мототранспортон техникӕйыл, ацыдысты сӕрмагонд ахуыры курс ӕмӕ райстой бар йӕ эксплуатацийӕн быдырон уавӕрты ӕмӕ цӕрӕг пунктты ", - дзырдӕуы пресс-службӕйы хъусинаджы.
Техникӕ фыццаг хатт хайад райста Уӕлахизы парады 24 июны ӕмӕ рацыд механизацигонд колоннӕйы рӕнхъы Дзӕуджыхъӕуы сӕйраг фӕзуатыл.
