ЦХИНВАЛ, 30 июн - Sputnik. Цхинвалы ӕртӕ дуканийы ссардтой зӕронд продукци, фӕткхалджытӕм ӕнхъӕлмӕ кӕсы административон ивар, хъусын кӕны республикӕйы Мидхъуыддӕгты министрады (МХМ) пресс-службӕ.
Экономикон фыдракӕндты ныхмӕ тохы хайады кусджытӕ сгарынц амалиуӕггӕнджыты, кӕцытӕ уӕй кӕнынц хӕлцадон продукттӕ столицӕйы. Басгӕрсты фӕстиуджытӕм гӕсгӕ оперативон кусджытӕ сбӕрӕг кодтой фехӕлдтӕ ӕртӕ базарадон объектыл – уым ссардтой зӕронд продукци.
"Басгӕрстты ӕрмӕджытӕ ӕмӕ райсгӕ продукци барвыстой фӕлхасгӕнджыты барты хъахъхъӕнынады фӕдыл цӕстдарды Комитетмӕ, цӕмӕй фӕткхалджыты ӕрбаздахой административон бӕрнмӕ", - банысан кодта экономикон фыдракӕндты ныхмӕ тохы хайады хистӕры хӕдивӕг, милицийы дӕлбулкъон Дудайты Дмитрий.
МХМ ӕрсидтысты ӕлхӕнджытӕм, цӕмӕй сӕ хъус дарой дуканиты продуктты ӕмгъуыдмӕ.
