Хуссар Иры æфсæддонтæ æрхастой "знагæн" максималон зиан

© МО РЮОХуссар Иры æфсæддонтæ æрхастой "знагæн" максималон зиан
Хуссар Иры æфсæддонтæ æрхастой знагæн максималон зиан - Sputnik Хуссар Ирыстон
Рафыссын
Контролон ахуырты рæстæджы Спецназ тохы райдайæн этапыл фæцæф кодта ныхмæлæууæджы, афтæ ма нæ радта знагæн тохы быдырæй ахизыны фадат

ЦХИНВАЛ, 28 июл — Sputnik. Хуссар Ирыстоны Хъахъхъæнынады министрады сæрмагонд нысаниуæджы батальоны фæсæддонтæ ауагътой ахуырадон рæвдзытæ хæххон бынæтты æмæ хъæдты. Службæгæнджытæ бакуыстой условон знаджы ныхмæ маневртыл, афтæ ма диверсион-разæсгарæн къордтæ æмæ æмбæхст ныхмæлæуджыты сбæрмг кæныныл, фехъусын кодта минситрады пресс-службæйы сæргълæууæг Чехойты Инга.

"Ӕфсæддонтæ равдыстой сæ цæттæдзинад æмæ зонындзинæдтæ ныхмæлæууæджы размæ бабадыны, æвиппайды сыл æрхъула кæныны, уацайрæгты сисыны, сæ документтæ, хæцæнгарз æмæ техникæ байсыны хъуыддаджы. Ахуыртæ уагъд цыдысты æхстимæ", - радзырдта уагдоны минæвар.

Уæлдай хъусдард, Чехойты Ингайы ныхæстæм гæсгæ, службæгæнджытæ аздæхтой тохы райдайæны знагæн максималон зиан æрхæссынмæ, афтæ ма знагæн тохы быдырæй ахизыны фадат ма раттынмæ. 

Уымæй дарддæр ма æфсæддонты хсæн уагъд æрцыдысты ерыстæ спорты алыгъуызон æфсæддон хуызтæй. Уыдон равдыстой тых æмæ цæттæдзинадыы бæрзонд æмвæзад. Ерысты фæстиуджытæм гæсгæ бæрæг æрцыдысты уæлахиздзаутæ æмæ призертæ.

Ног хабӕртты лентӕ
0