ЦХИНВАЛ, 30 июл - Sputnik. Хуссар Ирыстоны хицауады ӕрдзырдтой инвестпроект "Сӕндуцӕн Иронсӕн"-ӕн паддзахадон ӕххуыс бакӕныны фӕдыл, хъусын кӕны хицауады пресс-службӕ.
Паддзахадон бюджеты фӕрӕзты руаджы инвестпроекты инфраструктурӕйы объекттӕн ӕхца рахицӕн кӕныны фарстыл ӕрдзырдтой инвестицион проекттӕ равзырыны фӕдыл инвестицион къамисы рабадтыл.
Нывӕзтмӕ гӕсгӕ фӕнд кӕнынц сцалцӕг кӕнын заводмӕ бацӕуӕн фӕндаг Нарты уынгӕй, афтӕ ма сӕвӕрын электрикон дӕлстанц, цӕмӕй завод ифтонг уа электроэнергийӕ.
"Ныртӕккӕ фӕндаг ис ӕвзӕр уавӕры, уымӕн ӕмӕ дзы бирӕ ӕзты дӕргъы нӕ уагътой цалцӕггӕнӕн куыстытӕ. Фӕндагыл фадат нӕй ӕдасӕй ласынц заводы продукци. Уый фӕдыл хъӕуы сцалцӕг кӕнын фӕндаджы транспортон-эксплуатацион характеристикӕтӕ", - банысан кодта вице-премьер – экономикон райрӕзты министр Бекъойты Геннадий.
Къамисы уӕнгтӕ базонгӕ сты Экономикон райрӕзты министрады хатдзӕгимӕ проекты ӕмбӕрдзинады фӕдыл хицауады уынаффӕйы домӕнтӕ ӕмӕ уавӕртӕм.
