ЦХИНВАЛ, 30 июл – Sputnik, Хъуылымбегты Азӕмӕт. Профессионалон боксер Ирыстонӕй Тыбылты Алик радон хатт рамбылдта боксы изӕры Дзӕуджыхъӕуы.
Спортсмен тох фӕцис ӕмгъуыдӕй раздӕр дыккаг раунды – уый нокауты арвыста йӕ ныхмӕлӕууӕджы Рязанӕй Денис Азарченковы.
"Ӕнцон тох уыд, уымӕн ӕмӕ фӕцис дыккаг раунды. Фыццаг раунды ӕз дыууӕ хатт нокдауны арвыстон мӕ ныхмӕлӕууӕджы, фӕлӕ уый фӕлӕууыд гонгы онг", - радзырдта Тыбылты Алик.
Тыбылты Алик архайы 63 килограммы уӕзы категорийы. Ӕвзонг спортсмен ауагъта авд тохы ӕнӕ фембылдтӕй. Боксер тренировкӕ кӕны Уӕрӕсейы сгуыхт тренер Сланты Виталийы къухдариуӕгады бын.
