Мӕскуыйы йӕ цардӕй ахицӕн Хуссар Иры адӕмон нывгӕнӕг

© Photo : Наталья АйриянМӕскуыйы йӕ цардӕй ахицӕн Хуссар Иры адӕмон нывгӕнӕг
Мӕскуыйы йӕ цардӕй ахицӕн Хуссар Иры адӕмон нывгӕнӕг - Sputnik Хуссар Ирыстон
Рафыссын
Кӕсойты Лаврентий фӕзиан ис дӕргъвӕтин рынчыны фӕстӕ

ЦХИНВАЛ, 3 авг– Sputnik, Плиты Фатимӕ. Мӕскуыйы 72 азы кары йӕ цардӕй ахицӕн Хуссар Ирыстоны Адӕмон нывгӕнӕг, Колыты Аксойы номыл аивӕдты лицейы директор Кӕсойты Павелы фырт Лаврентий.

"Йӕ цард иууылдӕр снывонд кодта нывкӕнӕн аивадӕн. Уыд Хуссар ӕмӕ Цӕгат Ирыстоны Нывгӕнджыты цӕдисты уӕнг. Ирон аивадӕн йӕ мӕлӕт у стыр зиан", - загъта нывгӕнджыты цӕдисы сӕрдар Битеты Алан.

Йӕ ныхӕстӕм гӕсгӕ, нырма скъуыддзаг не 'рцыд, кӕм бавӕрдзысты нывгӕнӕджы.

Кӕсойты Лаврентий райгуырд Цхинвалы 1948 азы. Куыста хицӕн жанрты - хуызфыссынад, графикӕ ӕмӕ ӕндӕр здӕхӕнты. Йӕ куыстыты сюжеттӕ фылдӕр бӕрцӕй ист сты Нарты кадджытӕй, уымӕй уый дарддӕр кодта Тугъанты Махарбеджы традицитӕ. Аивӕдты лицейы кусгӕйӕ схъомыл кодта арӕхстджын нывгӕнджыты цалдӕр фӕлтӕры. Йӕ фӕстаг куыстыты нымӕцы ис Хуссар Ирыстоны паддзахадон драмон театры фойейы сфӕлыст.

Ног хабӕртты лентӕ
0