"Ныфс" денджызы бæсты: пандемийы рæстæджы фæфылдæр сты бынæттон курорты улæфджытæ

© Sputnik / Наталья АйриянНагутни
Нагутни - Sputnik Хуссар Ирыстон
Знауыры районы Нагутнийы хъæумæ æввахс уæвæг донхосгæнæндон "Ныфс"-ы улæфджыты нымæц зынгæ фæфылдæр

ЦХИНВАЛ, 6 авг– Sputnik, Плиты Фатимӕ. Коронавирусы пандеми ӕмӕ уый фӕдыл тобӕйы мадзӕлттӕ фӕфылдӕр кодтой бынӕттон хосгӕгӕндӕтты улӕфджыты нымӕц, фехъусын кодта Sputnik профцӕдисты советы сӕрдар Джергаты Жанна.

Сӕвзӕргӕ уавӕры тыххӕй Хуссар Ирыстонӕй денджызмӕ улӕфынмӕ ацӕуыны фадӕттӕ сты къуындӕг, архайы арӕны сӕртыл ахизын сӕрмагонд режим.

"Донхосгӕнӕндон "Ныфс"-мӕ ацы аз цӕуы фылдӕр улӕфджытӕ. Ӕрмӕст мах ууылтыл уым баулӕфын бафӕндыд 50 адӕймаджы, уыдонӕн се мбис уыдысты улӕфӕндоны, аннӕтӕ ацӕудзысты фӕстӕдӕр. Уымӕй дарддӕр ма ацы хосгӕнӕндонмӕ цӕуынц Ӕнӕниздзинад хъахъхъӕнынады министрады хаххыл дӕр", - загъта Джергаты Жанна.

Йӕ ныхӕстӕм гӕсгӕ, ам хосгӕнӕн ваннӕтӕй дарддӕр улӕфынӕн дӕр ис хорз фадӕттӕ.

Санаторий в Нагутни - Sputnik Хуссар Ирыстон
Санаторий "Нагутни" йæхи цæттæ кæны улæфджыты райсынмæ

"Хорз уавӕртӕ дзы ис - дохтыр, экскурсийы фадӕттӕ, ӕввахс йӕм ис ӕхсӕрдзӕнтӕ, суары дон, бастдзинад цухдзинад дӕр бирӕтӕ нымайынц ӕвӕрццаг фӕзындыл. Йӕ разамонӕг бакӕны сывӕллӕтты концерттимӕ. Арӕзт йӕм цӕуы электронон хахх", - бафыдта уый.

Улӕфджыты радон къорд ацӕудзӕн 9 августы, стӕй та сӕ раивдзӕн ног къорд. Ӕмрӕстӕджы хосгӕнӕндон райсы 40 адӕймаджы бӕрц.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала