Югосетпотребнадзор фехъусын кодта коронавирусы фӕдыл 70 тесты фӕстиуджытӕ

© Sputnik / Константин Михальчевский /  Ахизын медиабанкмæКоронавирус
Коронавирус - Sputnik Хуссар Ирыстон
Рафыссын
Хуссар Ирыстоны цыппӕрӕм къуыри ис стабилон уавӕр коронавирусимӕ, ацы рӕстӕджы республикӕйы не сбӕрӕг кодтой ног рынчынты

ЦХИНВАЛ, 10 авг - Sputnik, Козаты Диана. Хуссар Ирыстоны июлы ӕмбисӕй не сбӕрӕг кодтой коронавирусӕй ног рынчынты. Тесттӕ, кӕцытӕ ауагътой ивгъуыд улӕфт бонты, радтой ӕппӕрццаг фӕстиуджытӕ, загъта Югосетпотребнадзоры сӕргълӕууӕджы хӕдивӕг Гаглойты Анна.

Коронавирусӕй фӕстаг дыууӕ рынчыны сбӕрӕг кодтой 17 июлы. Уый фӕстӕ инфекцион рынчындоны хоскӕнынад цӕуы ӕрмӕстдӕр иу медицинон кусӕг, кӕцы куыста "сырх зонӕйы".

"Республикӕйы улӕфт бонты не сбӕрӕг кодтой ног рынчынты. Рынчындоны ӕртыккаг къуыри хоскӕнынад цӕуы медицинон кусӕг. Абон ын сараздзысты дыккаг тест, ӕппӕрццаг фӕстиуӕг куы равдиса, уӕд ӕй рафысдзысты рынчындонӕй", - загъта Гаглойты Анна.

Республикӕйы пандемийы райдайӕнӕй ауагътой 4 000 басгӕрстӕй фылдӕр. Сбӕрӕг кодтой 89 фӕрынчынуӕвӕджы, уыдонӕй 88 сӕнӕниз сты.

Медикты хъусдарды бын карантины сты 188 адӕймаджы.

Ног хабӕртты лентӕ
0