Вазыгджын фадгуытæм - уæлдай хъусдард: президент Къуаисайы фæндаджы арæзтады тыххæй

© Пресс-служба президента РЮОБибылты Анатолий бабæрæг кодта автомобилон фæндаг Гуфта-Къуаисайы арæзтад
Бибылты Анатолий бабæрæг кодта автомобилон фæндаг Гуфта-Къуаисайы арæзтад - Sputnik Хуссар Ирыстон
Бафыссын
Yandex newsTelegram
Президенты уæлдай тынгдæр цымыдис кодтой фæндаджы вазыгджын фадгуытæ, цы ран æнæмæнгхъæуæг сты инженерон амаддзагты арæзтæдтæ

ЦХИНВАЛ, 14 авг — Sputnik. Хуссар Ирыстоны президент Бибылты Анатолий бабæрæг кодта автомобилон фæндаг Гуфта-Къуаисайы арæзтад, хъусын кæны бæстæйы сæргълæууæджы пресс-службæ.

Автомобилон фæндæгты арæзтад æмæ эксплуатацийы фæдыл комитеты сæргълæууæг Гуыззыттаты Эдуард радзырдта президентæн, фæстаг этапыл бакæнгæ куыстыты бæрц кæй у хицæн æмæ хицæн.

"15 километрæй цыппар ныридæгæн у асфальт, кæцыдæр фагуытыл уагъд цæуынц растгæнæн куыстытæ, фæндаджы иу хай та у цæттæ асфальтæй бамбæрзынмæ", - загъта уый.

Комитеты хистæр ма бамбарын кодта, графикæй чысыл фæстейæ кæй аззадысты, фæлæ йæ цадæггай æххæст кæнынц.

© Пресс-служба президента РЮОАвтомобилон фæндаг Гуфта-Къуаисайы арæзтад
Вазыгджын фадгуытæм - уæлдай хъусдард: президент Къуаисайы фæндаджы арæзтады тыххæй - Sputnik Хуссар Ирыстон
Автомобилон фæндаг Гуфта-Къуаисайы арæзтад

Президенты уæлдай тынгдæр цымыдис кодтой фæндаджы вазыгджын фадгуытæ, цы ран æнæмæнгхъæуæг сты инженерон амаддзагты арæзтæдтæ.

"Курын уæ арæхстджындæрæй бакæнын уыцы куыстытæ. Уыдон тыххæй чизоны фæфæстæ уа график дæр, фæлæ уыимæ уынын, куыстытæ кæй цæуынц æнтыстджынæй", - загъта Бибылты Анатолий.

Бæстæйы сæргълæууæг ма уымæй дарддр федта Дзауы районы Кировы хъæуы цур хиды арæзтад дæр.

Ног хабӕртты лентӕ
0