ЦХИНВАЛ, 17 авг - Sputnik. Уӕрӕсейаг ӕфсӕддон базӕйы мотоӕхсӕн, танкон, артиллерион ӕмӕ сӕрмагонд дӕлхайӕдтӕ, афтӕ ма Хуссар Ирыстоны Гарзджын тыхты ӕфсӕддонтӕ скуынӕг кодтой дзырдӕй ныхмӕлӕууӕджы полигон "Дзарцъемы, хъусын кӕны Уӕрӕсейы Хуссар ӕфсӕддон зылды пресс-службӕ.
Ахуырты рӕстӕджы ӕфсӕддонтӕ скуынӕг кодтой ныхмӕлӕууӕджы къордтӕ хӕххон бынӕтты танктӕ Т72БМ, пехотӕйы хӕстон хӕдтулгӕтӕ БМП-2, артиллерион хӕдтулгӕ "Гвоздика", миномет "Сани" ӕмӕ гранатӕ ӕхсӕнтӕ АГС-17-ӕй.
"Ахуырты рӕстӕджы сӕйраг хъусдард здӕхт уыд хӕххон бынаты хӕстон архӕйдтытӕ уадзынмӕ, хӕстон хӕдтулгӕтыл скъӕрын ӕмӕ ӕхсыны курдиаты ӕмвӕзад фӕбӕрзонддӕр кӕнынмӕ, ӕмӕ ма ӕмархайд сорганизаци кӕнынмӕ", - радзырдтой зылды.
Дыууӕварсон тактикон ахуырты уӕрӕсейаг фарсӕй хайад истой 1200 ӕфсӕддонӕй фылдӕр ӕмӕ хӕстон техникӕйы 200 иуӕджы. Ахуыртӕ ауагътой стартегион-командон ахуыртӕ "Кавказ-2020"-мӕ цӕттӕкӕнынады фӕлгӕтты.
