ЦХИНВАЛ, 17 авг – Sputnik, Козаты Диана. Хуссар Ирыстоны фидӕн къуыри банысан кӕндзысты Хӕдбардзинад банымайыны бон. Бӕрӕгбонон датӕйы фӕдыл Хуссар Ирыстоны ӕмбӕстӕгтӕм ӕнхъӕлмӕ кӕсынц дӕргъвӕтин улӕфт бонтӕ – ӕнӕкусӕгон уыдзысты 26-ӕй 30 августмӕ, фехъусын кодтой Sputnik хицауады пресс-службӕйы.
Республикӕ 12-ӕм хатт банысан кӕндзӕн хӕдбардзинад банымайыны бон – 2008 азы 26 августы Уӕрӕсейы уӕды президент Дмитрий Медведев бафыста барамынд Хуссар Ирыстоны суверенитет банымайыны фӕдыл.
"Ацы аз бӕрӕгбонон датӕ уыдзӕн ӕртыццӕджы. Уый фӕдыл ног къуыри кусӕгон бонтӕ уыдзысты къуырисӕр ӕмӕ дыццӕг. 26-ӕй 30-ӕм августмӕ уыдзысты улӕфт бонтӕ", - загътой пресс-службӕйы.
Паддзахадон бӕрӕгбонтӕ ӕмӕ зӕрдылдарӕн датӕты къӕлиндармӕ гӕсгӕ, 26 август у улӕфт бон.
