ЦХИНВАЛ, 18 авг - Sputni, Козаты Диана. Хуссар Ирыстоны цæрджытæ цалдæр минуты размæ банкъардтой дæлзæххон æнкъуыстытæ. Зæххæнкъуыст æрцыд 14.50 сахатмæ æввахс.
Хуссар Иры Уæлвæткон уавæрты министрады куыд загътой, афтæмæй ныртæккæ уыдон адзырдтой сæ цæгатирыстойнаг коллегæтæм, цæмæй базоной, кæм уыд зæххæнкъуысты эпицентр.
Афтæ ма уагдоны минæвæрттæ дзурынц сæ районон дæлхайæдтæм æмæ бæрæг кæнынц, ис сæм æрдзон фыдбылызы фæстиуджытæ, æви нæ.
"Нырма нæм ницы информаци ис пырхытæ æмæ зианбаййафджыты тыххæй", - банысан кодтой УУМ.
