ЦХИНВАЛ, 25 авг – Sputnik, Гæбæраты Элина. Ахорæнты фестиваль "Арвырон", кæцы хъуамæ ацыдаид Хуссар Ирыстоны столицæйы дыццæджы, 25 августы, аргъæвтой сентябрьмæ, загъта Sputnik Цхиналы администрацийы пресс-секретарь Коцты Зæринæ.
Мадзал аргъæвыны аххосаг ссис æвзæр боныгъæд, банысан кодтой мэрияйы.
"Организатортæ аскъуыддзаг кодтой мадзал ахæссын сентябры райдиантæм. Фестиваль хъуамæ уа хъарм боны, цæмæй бæрæгбон рацæуа ирд æмæ хъæлдзæг", - фехъусын кодта пресс-секретарь горæты культурæйы хайады гæс Тасойты Игоры ныххæстæ.
Бæрæгбонæн æнæмæнгхъæуæг ахорæнтæ ныридæгæн æрцыдысты æлхæд - уыдзысты аст хуызы. Уыдон сты æдас сабитæн æмæ æнцонæй цæуынц дарæсæй.
