ЦХИНВАЛ, 10 сен – Sputnik, Гӕбӕраты Элина. Хуссар Ирыстоны ивгъуыд суткӕйы, 9 сентябры, сарӕзтой 15 тесты коронавирус сбӕрӕг кӕныны фӕдыл, уыдон иууылдӕр радтой ӕппӕрццаг фӕстиуджытӕ, фехъусын кодта Sputnik сӕйраг санитарон дохтыры хӕдивӕг Гаглойты Анна.
Уый банысан кодта, Хуссар Ирыстоны пандемийы рӕстӕджы кӕй сарӕзтой 5173 басгӕрсты коронавирусы фӕдыл.
"Карантины сты 63 ӕмбӕстаджы, кӕцытӕ ӕрцыдысты Цӕгат Ирыстонӕй. Уыдон сты республикӕйы медицинон уагдӕтты ӕмӕ уазӕгдон"Алан"-ы", - банысан кодта Гаглойты Анна.
Хуссар Ирыстоны дарддӕр ис ӕнӕмӕнг карантин ӕрцӕуӕггӕгтӕн. Изоляцийӕ ссӕрибар кодтой коронавирусӕй уый размӕ чи фӕрынчын, уыдоны. Уый тыххӕй уыдон хъуамӕ радтой анализтӕ Цӕгат Ирыстоны ӕмӕ бавдисой уый фӕдыл справкӕтӕ.
