ЦХИНВАЛ, 14 сен - Sputnik. Хуссар Ирыстоны Паддзахадон автоинспекцийы кусджытӕ ӕрурӕдтой 36-аздзыд шофыры, кӕцы дыккаг хатт скъӕрдта расыгӕй, хъусын кӕны республикӕйы Мидхъуыддӕгты министрады (МХМ) пресс-службӕ.
Цхинвалы цӕрӕгмӕ, кӕцыйы уый размӕ дӕр ӕрбаздахтой бӕрнмӕ нозтджынӕй скъӕрыны тыххӕй, ӕнхъӕлмӕ кӕсы дыууӕ азы онг ахӕст.
Афтӕ ма пресс-службӕйы банысан кодтой, Хуссар Ирыстоны ивгъуыд къуыри кӕй ӕрурӕдтой фондз нозтджын шофыры, ӕмӕ сбӕрӕг кодтой фӕндагон змӕлды 111 фӕткхалды.
Уымӕй дарддӕр ацы период республикӕйы ӕрцыд дыууӕ фыдракӕнды, кӕцытӕ раргом кодтой мидхъуыддӕгты органтӕ. Ӕхсӕнадон фӕтк фехалыны тыххӕй Цхинвалы мидхъуыддӕгты хайады кусджытӕ ӕрурӕдтой дыууӕ ӕмбӕстаджы.
