"Югосетпотребнадзор"-ы хистӕр фӕрынчын COVID-19-ӕй, уый кусдзӕн дистанцион режимы

© Sputnik / Наталья АйриянКоцты Марина
Коцты Марина - Sputnik Хуссар Ирыстон
Рафыссын
Хуссар Ирыстоны пандемийы райдайӕнӕй фӕстӕмӕ коронавирусӕй ӕдӕппӕт фӕрынчын сты 94 адӕймаджы. Уыдонӕй 90 рынчыны ныридӕгӕн адзӕбӕх сты

ЦХИНВАЛ, 28 сен – Sputnik, Козаты Диана. Хуссар Ирыстоны сӕйраг санитарон дохтыр Коцты Марина фӕрынчын ис коронавирусӕй. Уый ссис цыппӕрӕм рынчын, кӕцытыл вирус бахӕцыд Уӕрӕсеимӕ арӕны баконды фӕстӕ (15 сентябры).

"Ӕз дӕр адӕймаг дӕн ӕмӕ вирус мӕ иувӕрсты нӕ ахызт. Кусдзынӕн дистанцион режимы", - загъта уый Sputnik йӕ интервьюйы.

Уый ӕрсидт цӕрджытӕм, цӕмӕй уӕлӕнгай ахаст ма дарой ацы тӕссаг инфекцимӕ ӕмӕ ӕххӕст кӕной ӕнӕмӕнгхъӕуӕг профилактикон мадзӕлттӕ.

Хуссар Иры санитарон службæтæ арæны баконды фæстæ сног кодтой радгæсон линийы куыст - Sputnik Хуссар Ирыстон
"Югосетпотребнадзор" арæны баконды фæстæ сног кодта радгæсон линийы куыст

"Дистанци ӕмӕ гигиенӕ, уый тынг ахсджиаг у. Ныртӕккӕ гӕнӕн уӕвгӕйӕ никуыдӕм хъӕуы цӕуын. Вирус тынг ӕнцонтӕй хӕцы. Кӕд фӕрынчын уат ӕмӕ уӕхи ӕвзӕр хатат, уӕд нӕ хъӕуы рынчындонмӕ цӕуын - хъӕдзармӕ фӕдзурут дохтырмӕ, цӕмӕй ноджы ма апарахат уа низ", - бауынаффӕ кодта сӕйраг санитарон дохтыр.

Уый ма бахахх кодта, кӕй нӕ хъӕуы массон мадзӕлттӕм цӕуын дӕр.

"Мӕ хъуыдымӕ гӕсгӕ, куыд фӕдзӕхстам, афтӕ низ апарахат уыдзӕн арӕны байгомы фӕстиуӕгӕн", - загъта Коцты Марина.

Хуссар Ирыстоны пандемийы райдайӕнӕй фӕстӕмӕ коронавирусӕй ӕдӕппӕт фӕрынчын сты 94 адӕймаджы. Уыдонӕй 90 рынчыны ныридӕгӕн адзӕбӕх сты.

Ног хабӕртты лентӕ
0