Хуссар Иры коронавирусӕй рынчынты иумӕйаг нымӕц схызт 230 адӕймаджы онг

© Sputnik / Евгений Епанчинцев / Ахизын фотобанкмӕКоронавирус
Коронавирус - Sputnik Хуссар Ирыстон
Бафыссын
Yandex newsTelegram
Республикӕйы рӕзы коронавирусӕй рынчынты нымӕц. Иумӕйагӕй пандемийы райдайӕнӕй инфекци рабӕрӕг кодтой 227 адӕймагӕн

ЦХИНВАЛ, 16 окт – Sputnik, Хъуылымбегты Азӕмӕт. Хуссар Ирыстоны ивгъуыд суткӕйы сарӕзтой 132 тесты COVID-19-ы фӕдыл, вирус сбӕрӕг кодтой 30 адӕймагӕн, фехъусын кодта Sputnik республикӕйы сӕйраг санитарон дохтыр Коцты Марина.

Скъола №2 - Sputnik Хуссар Ирыстон
Цхинвалы карантиныл сӕхгӕдтой ноджы иу скъола ӕмӕ сабидон

"Мах сарӕзтам 132 тесты, вирус сбӕрӕг кодтам 30 адӕймагӕн", - загъта Коцты Марина.

Уӕрӕсеимӕ арӕны баконды фӕстӕ коронавирус сбӕрӕг кодтой 137 адӕймагӕн, пандемийы райдайӕнӕй та 227 ӕмбӕстагӕн.

Амӕй размӕ карантиныл сӕхгӕдтой столицӕйы ӕртӕ скъолайы ( "Альбион", Аивӕдты лицей ӕмӕ дыккӕгӕм скъола) ӕмӕ ӕртӕ сабидоны Цхинвал ӕмӕ районты. Медикты бӕрӕггӕнӕнтӕм гӕсгӕ, инфекцион рынчындоны хос кӕнынц 29 пациенты вирусон пневмониимӕ, уыдоны фылдӕр хайӕн сбӕрӕг кодтой коронавирус.

Ӕнӕниздзинад хъахъхъӕнынады министрады хъусын кодтой, Республикон бирӕпрофилон медицинон центры сывӕллӕтты рынчындон кӕй цӕттӕ кӕнынц коронавирусон инфекцийы ныхмӕ тох кӕнынмӕ. Медицинон уагдонӕн йӕ бон уыдзӕн райсын COVID-19-ӕй 100 рынчыны.

Ног хабӕртты лентӕ
0