ЦХИНВАЛ, 27 окт — Sputnik. Цӕгат Ирыстоны ноджы 58 адӕймагыл бахӕцыд коронавирус, уымӕй бон раздӕр та фехъусын кодтой 56 ног рынчыны тыххӕй. Дыццӕджы райсоммӕ рынчынты иумӕйаг нымӕц схызт 7032 адӕймагмӕ, хъусын кӕны Роспотребнадзор.
- 818 адӕймаджы сты амбулаторон хоскӕнынады.
- 47 адӕймаджы хос кӕнынц республикӕйы медицинон уагдӕтты.
- 6097 адӕймаджы адзӕбӕх сты.
- 70 адӕймаджы амардысты.
Дунейы бӕстӕтӕй COVID-19 кӕм тынгдӕр апарахат ис, уыцы рейтингы Уӕрӕсе ахсы цыппӕрӕм бынат АИШ, Инди ӕмӕ Бразилийы фӕстӕ.
Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми.
