ЦХИНВАЛ, 11 ноя – Sputnik, Козаты Диана. Хуссар Ирыстоны ивгъуыд суткӕйы сбӕрӕг кодтой коронавирусӕй 46 ног рынчыны, фехъусын кодта Югосетпотребнадзоры сӕргълӕууӕг Коцты Марина.
Сентябры ӕмбисӕй коронавирусӕй рынчынты иумӕйаг нымӕц у 1405, уыдонӕй сӕнӕниз сты 224 адӕймаджы.
"Сарӕзтӕуыд 187 басгӕрсты, уыдонӕй 46 радтой ӕвӕрццаг фӕстиуджытӕ. Медикты хъусдарды бын стационарты ӕмӕ хӕдзары хиизоляцийы сты 1181 рынчыны. Медицинон уагдӕтты хоскӕнынад цӕуынц 231 адӕймаджы", - загъта Коцты Марина.
Уый ма фехъусын кодта, знон коронавирусӕй кӕй амард ноджы иу адӕймаг. Республикӕйы ӕдӕппӕт коронавирусон инфекцийӕ амардысты 21 адӕймаджы.
