Цхинвалы бакодтой психологон ӕххуысы лини коронавирусӕй рынчынтӕн

© Sputnik / Рамиль Ситдиков /  Ахизын медиабанкмæЦхинвалы бакодтой психологон ӕххуысы лини коронавирусӕй рынчынтӕн
Цхинвалы бакодтой психологон ӕххуысы лини коронавирусӕй рынчынтӕн - Sputnik Хуссар Ирыстон
Рафыссын
Коронавирусы симптомтӕй иу специалисттӕ хонынц паникӕ ӕмӕ мӕлӕтӕй тас, уымӕ гӕсгӕ йӕ хос кӕныны рӕстӕджы ахсджиаг у психологты ӕххуыс

ЦХИНВАЛ, 12 ноя – Sputnik, Плиты Фатимӕ. Волонтерон баиугонд "Вместе" бакодтой психологон ӕххуысы лини коронавирусӕй рынчынтӕн, фехъусын кодта Sputnik фӕсивӕдон политикӕйы комитеты сӕрдары хӕдивӕг, волонтерон змӕлды уӕнг Гатыгкоты Валентина.

Ӕнӕ паникайӕ: Цхинвалы бамбарын кодтой ковидӕй рынчынты раконд ӕндӕр блокмӕ - Sputnik Хуссар Ирыстон
Ӕнӕ паникайӕ: Цхинвалы бамбарын кодтой ковидӕй рынчынты раконд ӕндӕр блокмӕ

Коронавирусы симптомтӕй иу специалисттӕ хонынц паникӕ ӕмӕ мӕлӕтӕй тас, уымӕ гӕсгӕ йӕ хос кӕныны рӕстӕджы ахсджиаг у психологты ӕххуыс.

"Ахуырады министрад нын бавдыста специалистты номхыгъдтӕ. Махмӕ кусы психологтӕ-волонтертӕ, кӕцыты сфӕндыд бакусын линийыл. Адӕмӕн сӕ бон у фӕдзурой сӕ ном бамбӕхсгӕйӕ. Ныридӕгӕн кусӕм "сырх зонӕ" мидӕг психологон ӕххуысы срӕвдз кӕныныл",- загъта Гатыгкоты Валентина.

Йӕ ныхӕстӕм гӕсгӕ, психологон ӕххуысы линийыл кусынц уӕлдӕр ахуыргӕнӕндоны ахуыргӕнджытӕ ӕмӕ скъолайы психологтӕ.

"Фондз психологы кусы махмӕ , сӕ нымӕцы Плиты Ланӕ, Тасойты Светлана, Гуыззытаты Зӕринӕ, Джергаты Аделина ӕмӕ Гӕджиты Оксана",- бафтыдта уый.

Уый ма бафиппайдта, ацы хъуыддаджы сын баххуыс кодта компани Остелеком, уыдон радтой ӕнӕарӕгъ номыртӕ.

Волонтерон змӕлд "Вместе" кусы дыккаг къуыри.

Ног хабӕртты лентӕ
0