Хуссар Иры ПАИ сиды шофыртӕм раивын сӕрдыгон цӕлхытӕ

© Sputnik / Natalia AiriyanЦхинвал
Цхинвал - Sputnik Хуссар Ирыстон
Цыппӕрӕмы райсом Хуссар Ирыстоны рауарыд фыццаг мит, ӕвзӕр боныгъӕдтӕ та бандавдзысты фӕндагон змӕлдыл республикӕйы столицӕ ӕмӕ районты

ЦХИНВАЛ, 19 ноя - Sputnik, Хъуылымбегты Зӕлинӕ. Хуссар Ирыстоны Паддзахадон автоинспекцийы кусджытӕ фӕдзӕхсынц шофырты раивын сӕрдыгон цӕлхытӕ зымӕгонтӕм, радзырдта Sputnik инспекцийы хистӕр, милицийы инӕлар-майор Джиоты Алан.

"Фӕндагон-транспортон фыдбылызтӕ ма руадзыны нысанӕн ӕнӕмӕнг хъӕуы хӕдтулгӕтыл зымӕгон цӕлхытӕ бакӕнын", - загъта уый.

Йӕ ныхӕстӕм гӕсгӕ, шофыртӕ сӕхӕдӕг хъуамӕ тыхсой уыцы хабар, уымӕн ӕмӕ уый у сӕ ӕдасдзинады фарст.

Цхинвал - Sputnik Хуссар Ирыстон
Хуссар Иры ПАИ хистӕр фехъусын кодта 2020 азы авариты нымӕцы фӕфылдӕры аххосаг

ПАИ хистӕр ма банысан кодта, кӕцыдӕр шофыртӕ экономийы нысанӕн цыппар цалхӕй кӕй раивынц ӕрмӕстдӕр дыууӕ.

"Алыгъуызон цӕлхытимӕ та ихцъарыл у тӕссаг, шофыртӕ нӕ сырӕхсынц скъӕрын ӕмӕ ӕрцӕуы фыдбылыз", - бамбарын кодта Джиоты Алан.

Паддзахадон автоинспекци ӕрсидт цӕрджытӕм, цӕмӕй уой арӕхстджындӕр ӕмӕ сӕхи хъахъхъӕной митуардты рӕстӕджы.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала