ЦХИНВАЛ, 1 дек – Sputnik, Хъуылымбегты Азӕмӕт. Хуссар Ирыстоны рынчындӕтты "сырх зонӕтӕй" ивгъуыд суткӕйы рафыстой 16 адӕймаджы, кӕтӕ уыдысты коронавирусӕй рынчын, фехъусын кодта Sputnik Югосетпотребнадзоры сӕргълӕууӕг Коцты Марина.
"Медицинон уагдӕтты нырма ис 126 пациенты: РБМЦ инфекцион хайады - 26, уыдонӕй реанимацийы ис аст адӕймаджы. Сывӕллӕтты рынчындоны хос кӕнынц 41 пациенты, ноджы ма 41 та уӕрӕсейаг госпиталы", - загъта уый.
Уый ма бафтыдта, районон рынчындӕтты дӕр кӕй хос кӕнынц 18 адӕймаджы: поселк Знауыры - фондз, Ленингоры - дыууӕ, Къуаисайы - 11.
Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ уадзыныл. Ӕдӕппӕт пандемийы рӕстӕджы республикӕйы сбӕрӕг кодтой коронавирусӕй 1,9 мин фӕрынчынуӕвӕджы, уыдонӕй 800 фылдӕр сӕнӕниз сты.
