ЦХИНВАЛ, 2 дек - Sputnik. Хуссар Ирыстоны хицауады сӕрдары х.ӕ. Бекъойты Геннадий фехъусын кодта, республикӕйы хъӕууон хӕдзарадон нысаниуӕджы зӕххытӕн номхыгъд саразыны фӕдыл куыстытӕ кӕй хъуамӕ фӕуой быдырон куыстыты райдайӕнмӕ.
Республикӕйы хицауады ӕртыццӕджы ацыд рабадт хъӕууон хӕдзарады зӕххыты номхыгъд саразыны фӕдыл.
"Хицауады сӕрдары хӕстӕ ӕххӕстгӕнӕгӕн фехъусын кодтой, куыд цӕуы куыст хъӕууон хӕдзарады куыстытӕн аккаг зӕххыты арӕнтӕ сбӕрӕг кӕныны фӕдыл, уый тыххӕй", - хъусын кӕны министрты кабинеты пресс-службӕ.
Афтӕ ма кусӕгон къорды уӕнгтӕ ӕрдзырдтой барадон ахастытыл хъӕууон хӕдзарады фадыджы, паддзахадон хъусдардыл ахӕм зӕххытӕй пайдакӕнынады фӕдыл.
