Ирон самбисттӕ ссисты иууыл хуыздӕр Цӕгат Кавказы

© Photo : Пресс-служба Минспорта РСО-А.Ирон самбисттӕ ссисты иууыл хуыздӕр Цӕгат Кавказы
Ирон самбисттӕ ссисты иууыл хуыздӕр Цӕгат Кавказы - Sputnik Хуссар Ирыстон
Рафыссын
ЦКФЗ чемпионат ацыд Нальчикы. Хъӕбысӕйхӕцджытӕ тох кодтой ӕрмӕст бӕрзонд хорзӕхтыл нӕ, фӕлӕ ма Уӕрӕсейы чемпионатмӕ балцӕгтыл дӕр

ЦХИНВАЛ, 15 дек — Sputnik. Ирон самбисттӕ рамбылдтой аст хорзӕхы Цӕгат Кавказы федералон зылды (ЦКФЗ) чемпионаты, хъусын кӕны Цӕгат Ирыстоны спорты министрады пресс-службӕ.

Икъаты Сӕрмӕт - Sputnik Хуссар Ирыстон
Хуссар Иры уӕзисӕг рамбылдта Европæйы Кубок

ЦКФЗ чемпионат ацыд Нальчикы. Хъӕбысӕйхӕцджытӕ тох кодтой ӕрмӕст бӕрзонд хорзӕхтыл нӕ, фӕлӕ ма Уӕрӕсейы чемпионатмӕ балцӕгтыл дӕр.

"Цӕгат Ирыстоны командӕ рамбылдта ӕртӕ сыгъзӕрин, ӕртӕ ӕвзист ӕмӕ дыууӕ бронзӕйон майданы. Кады пьедесталы фыццаг къӕпхӕнмӕ схызтысты Гаглойты Эллина ( 54 килолграммы) ӕмӕ Цырыхты Дана (59 килограммы)", - дзырдӕуы хъусинаджы.

Елойты Георгий (64 кг), Елизавета Кузьмина (54 кг), Къӕбысты Элланда (72 кг) ссисты турниры ӕвзист призертӕ.

Чемпионаты бронзӕйон хорзӕхтӕ та райстой Кокайты Кристина ӕмӕ Лазарты Алана (50 кг).

Ирыстоны минӕвӕрттӕй ноджы иу – Джанайты Сослан – бацахста фыццаг бынат хӕстон самбойы чемпионаты 98 килограммы уӕзы категорийы.

Ног хабӕртты лентӕ
0