ЦХИНВАЛ, 16 дек — Sputnik. Ирон спортсменкӕ Сидахъты Зӕлинӕ ссис сылгоймӕгты хъӕбысхӕстӕй Дунейы Кубокы бронзӕйон призер, хъусын кӕны 15-ӕм регион.
Сылгоймӕгты хъӕбысхӕстӕй Дунейы индивидуалон кубок уагъд цӕуы Белграды (Сербия). Сидахъты чызг ерысты архайдта Белориссийы командӕйы сконды.
Бронзӕйон хорзӕхы сӕраппонд тохы ирон спортсменкӕ фембӕлд Турчы минӕвар Зейнеп Этгылимӕ, кӕцыйы рамбылдта 3:0 хыгъдӕй.
Уымӕй раздӕр ма фехъусын кодтой, хуссарирыстойнаг пауэрлифтер Икъаты Сӕрмӕт кӕй рамбылдта Европӕйы кубок AWPC WPC 125 килограммы онг уӕзы категорийы.
