ЦХИНВАЛ, 29 дек - Sputnik. Хуссар Ирыстоны хицауад дыццӕджы рабадтыл райста медицинон кусджытӕн фиддонтӕ бафидыны фӕдыл барамынды проект.
Хицауады пресс-службӕ куыд хъусын кӕны, афтӕмӕй ӕнӕниздзинад хъахъхъӕнынад ӕмӕ социалон райрӕзты министрадӕн рахицӕн кодтой 6,02 милуан сомы – ацы суммӕ ацӕудзӕн ӕнӕниздзинад хъахъхъӕнынады министрады структурон дӕлхайӕдты кусджытӕн фиддонтӕ бафидынмӕ.
Афтӕ ма, 154 мин сомы рахицӕн кодтой фӕлхасгӕнджыты бартӕ хъахъхъӕныны фӕдыл комитетӕн, цӕмӕй фиддонтӕ бафидой гигиенӕ ӕмӕ эпидемиологийы центры кусджытӕн, кӕцытӕ куыстой коронавирусы апарахаты уавӕрты.
Амӕйразмӕ, 8 ноябры хицауад рахицӕн кодта ӕнӕниздзинад хъахъхъӕнынады министрадӕн 50 милуан соммӕ ӕввахс коронавирусы апарахат ма руадзыны фӕдыл мадзӕлттӕн.
