Бибылты Анатолий снысан кодта Хуссар Иры хицауады аппараты ног сӕргълӕууӕджы

© Sputnik / Диана КозаеваЧамоков Азӕмӕт
Чамоков Азӕмӕт - Sputnik Хуссар Ирыстон
Уый размӕ ацы бынаты авд азы дӕргъы куыста Гаглойты Олег, президент ӕй ссӕрибар кодта йӕ бынатӕй ивгъуыд аз декабры

ЦХИНВАЛ, 20 янв – Sputnik, Козаты Диана. Хуссар Ирыстоны хицауады аппараты ног сӕргълӕууӕг ссис Чамоков Азӕмӕт. Уый раивта ацы бынаты Гаглойты Олегы.

Хицауады рабадтыл президент Бибылты Анатолий фехъусын кодта, кӕй бафыста барамынд Чамоков Азӕмӕты снысан кӕныны фӕдыл.

"Чамоков Азӕмӕт бирӕ рӕстӕг кусы ацы фадыджы. Уый у хорз ахуырадимӕ адӕймаг", - загъта президент.

Чамоков Азӕмӕт загъта бузныг паддзахады сӕргълӕууӕгӕн ӕууӕнчы тыххӕй ӕмӕ банысан кодта, алцыдӕр кӕй араздзӕн йӕ хӕслӕвӕрдтӕ эффективонӕй ӕххӕст кӕныны тыххӕй.

Чамоков Азӕмӕт райгуырд 1986 азы Дзӕуджыхъӕуы. Иттӕг хорз нысӕнттимӕ каст фӕцис гимнази "Альбион" Цхинвалы.

2009 азы фӕцис Паддзахадон хӕххон аграрон университеты юриспруденцийы факультут.

2013 азӕй фӕстӕмӕ кусы Хуссар Ирыстоны хицауады аппараты. Уыд хицауады аппараты барадон хайады консультант, уый фӕстӕ та хъусдарды хайады хистӕр.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала