ЦХИНВАЛ, 3 фев - Sputnik. Хуссар Ирыстоны ӕмбӕстӕгты ӕдасдзинад комкоммӕ баст у Паддзахадон ӕдасдзинады комитеты (ПӔК) Арӕнгӕрон службӕйы кусджыты цӕсгомджын архайдимӕ, фехъусын кодта президент Бибылты Анатолий йӕ арфӕйы телы уагдоны сӕвзӕрды 16-ӕм афӕдзы боны фӕдыл.
"Республикӕ Хуссар Ирыстоны паддзахадон арӕны хъахъхъӕд домы сымахӕй профессионалон цӕттӕдзинад ӕмӕ уӕлвӕткон уавӕрты раст архайыны арӕхстдзинад", - дзырдӕуы арфӕйы телы.
Президент бафтыдта, зӕгъгӕ, Арӕнгӕрон службӕйы куысты сӕйрагдӕр хӕйттӕй сӕ иу у Гуырдзыстонимӕ паддзахадон арӕн Уисты хъӕуы районы.
"Уӕ архайды руаджы иуварс цӕуынц гуырдзиаг фарсы провокацитӕ, хъӕуы цӕрджытӕн фадат ис сабыр цард кӕнын", - банысан кодта президент.
Бибылты Анатолий загъта бузныг арӕнхъахъхъӕнджытӕн сӕ куысты тыххӕй ӕмӕ сын йӕ цӕст бауарзта уды тых.
