ЦХИНВАЛ, 3 фев – Sputnik, Хъуылымбегты Азӕмӕт. Цхинвалы ногӕй регистраци кӕндзысты ӕмбӕстӕгты, кӕцытӕ лӕууынц рады цӕрӕнуатмӕ, фехъусын кодтой горӕты администрацийы пресс-службӕйы.
"Документтӕ райдайдзысты исын къуырисӕры, 8 февралы. Рады лӕууӕг адӕм хъуамӕ сног кӕной сӕ документтӕ 2021 азы 1 майы онг", - дзырдӕуы пресс-службӕйы хъусинаджы.
Администрацийы бафтыдтой, абоны бон хыгъды кӕй сты дыууӕ мин бинонтӕй фылдӕр.
Ногӕй регистраци ацӕуынӕн хъӕуы бадзурын Цхинвалы администрацийы приватизаци, хыгъд ӕмӕ цӕрӕнуат байуарыны хайадмӕ.
