ЦХИНВАЛ, 5 фев - Sputnik. Дегтяревы пулемет ссардта Хуссар Ирыстоны столицæйы цæрæг сылгоймаг райсомæй Присы хъæуы тезгъогæнгæйæ, ссаргæ хæцæнгарз уый радта мидхъуыддæгты органтæм, хъусын кæны республикæйы МХМ пресс-службæ.
"Сылгоймаг радзырдта милицийы кусджытæн, пулемет кæй ссардта райсомæй Присы тезгъо кæныны рæстæджы", - дзырдæуы хъусинаджы.
МХМ экспертон-криминалистикон центры минæвæрттæ рафæлгъаудтой хæцæнгарзы æнгæсдзинæдтæ Дегтяревы системæйы пулемет Д-27, 7,62 миллиметр калибримæ. Уыдон балхынцъ кодтой, пулеметæн саразæн кæй нал ис æмæ нал бæззы æхсынæн.
