ЦХИНВАЛ, 19 фев – Sputnik, Плиты Фатимӕ. Хуссар Ирыстоны паддзахадон театр Дзауы районы кӕсӕгӕн равдисдзӕн аргъау ӕмӕ спектакль, фехъусын кодтой Sputnik уагдоны пресс-службӕйы.
Нывӕзт ӕххӕст цӕуы ахуырады министрады рӕзгӕ фӕлтӕры монон фӕткӕвӕрдон нывӕзты фӕлгӕтты компани "Остелеком"-ы ӕмархайдӕй.
"Сабаты сихорыл равдисдзысты "Домбай гӕды". Аргъау суазӕг кӕндзӕн Дзауы, Гуфта ӕмӕ Хуыцъейы скъоладзауты", - загътой пресс-службӕйы.
Районон центры ма уыцы бон равдисдзысты спектакль "Ӕз ус нӕ курын".
"Годжыцаты Исахъы уацмысмӕ гӕсгӕ режиссер Хъӕцмӕзты Фатимӕйы ӕвӕрд спектакль "Ӕз ус нӕ курын" та радисдзысты сабаты изӕры", - бафтыдтой уым.
Театры пресс-службӕйы ма радзырдтой уагдоны ног къуырийы репертуары тыххӕй - кӕсӕгмӕ ӕнхъӕлмӕ кӕсынц дыууӕ комеди - "Ӕз ус нӕ курын" ӕмӕ "Ӕз рынчын нӕ дӕн".
