ЦХИНВАЛ, 26 фев – Sputnik, Плиты Фатимӕ. Хуссар Ирыстоны Дзауы районы конкурсы руаджы равзардзысты гербы эскиз, уый тыххӕй Sputnik фехъусын кодтой районы пресс-службӕйы.
Конкурсӕн хатдзӕгтӕ скӕнынмӕ хъавыдысты марты райдайӕны, фӕлӕ йын йӕ ӕмгъуд адарддӕр кодтой.
"Районы администрацийы секретариатмӕ ӕрбахастой фондз куырдиаты. Фыццаг рады уал фидӕны районы герб суӕвынмӕ претенденттӕн саргъ кӕндзысты къамисы уӕнгтӕ, уый фӕстӕ та сӕ рахӕсдзысты геральдикайы фӕдыл специалистты ӕркастмӕ", - загътой пресс-службӕйы.
Уӕлахиздзауы ном фӕбӕрӕг уыдзӕн уалдзӕджы. Конкурсы уагӕвӕрдмӕ гӕсгӕ, районы гербыл проекты хуыздӕр эскизы хицауимӕ фидар ӕрцӕудзӕн бадзырд.
Конкурс уадзы Дзауы районы администраци, йӕ лыстӕгдзинӕдтӕ скъуыддзаг кӕны конкурсон къамис.
