ЦХИНВАЛ, 26 фев – Sputnik, Козаты Диана. Резервон электрохахх Хуссар Ирыстонӕн Уӕрӕсейы Ручъы тоннелы уылты ауадздзысты 2021 азы кӕрӕттӕм, фехъусын кодта президент Бибылты Анатолий хицауады рабадты майрӕмбоны.
Проекты арӕзтад кӕронмӕ хъуамӕ бахӕццӕ уыдаид 2022 азы.
Ивгъуыд азы сентябры Мӕскуыйы бафыстӕуыд бадзырд Хуссар И ӕмӕ Уӕрӕсейы хицауӕдты хсӕн резервон электрохаххы фӕдыл.
"Мах бирӕ рӕстӕг куыстам ууыл, цӕмӕй нӕ республикӕйӕн уа резервон электрохахх Ручъы тоннелы уылты. Ацы куыст ныддаргъ ис, фӕлӕ хъӕуы ӕмбарын, кӕй дзы уыд бирӕ техникон зындзинӕдтӕ. Фӕлӕ уӕддӕр уӕрӕсейаг специалисттӕ ссардтой техникон фадӕттӕ, цӕмӕй ауадзой ацы хахх тоннелы уылты", - загъта бӕстӕйы сӕргълӕууӕг.
Бибылты Анатолий банысан кодта, кӕй уыд финансон проблемӕтӕ дӕр ацы ӕнӕмӕнгхъӕуӕг проекты реализацийы хъуыддаджы.
"Уымӕ гӕсгӕ, ӕртӕ азы дӕргъы Инвестпрограммӕйӕ хицӕн кӕндзыстӕм финансон фӕрӕзтӕ 191 милуан сомы бӕрц. Ацы хъуыддаджы нӕ фарсмӕ балӕууыдысты уӕрӕсейаг коллегӕтӕ - развӕлгъау хатдзӕгтӕм гӕсгӕ, ацы лини хъуамӕ ӕрбаиу кӕной ацы азы кӕрӕттӕм", - фехъусын кодта президент.
Уый бузныг загъта, ацы проекты реализацийы чидӕриддӕр хайад иста, ӕппӕт уыцы адӕмӕн.
