ЦХИНВАЛ, 15 мар - Sputnik. Ирыстоны æввахс къуыри уыдзæн æвзæр боныгъдæтæ къæвда æмæ митуардтимæ, хъусын кæнынц синоптиктæ. Уыимæ иумæ Цæгат Ирыстоны УУМ фæдзæхсы хæххон районты зæйты æрцыды тасæй.
Хуссар Ирыстоны къуырийы дæргъы уыдзæн ивгæ боныгъæдтæ - 15-21 марты асæст бонты иу хаттæй-хатт фæзындзæн хуры цæст дæр, фæлæ æнæ къæвдатæй дæр аирвæздзысты цæрджытæ. Къуырийы дæргъы-иу райсом æмæ изæрыгæтты рауардзæн къæвдатæ.Республикæйы сæйраг горæты уæлдæвы хъæрмад уыдзæн æхсæв -3 градусы æмæ боны та +10 градусы онг.
Цæгат Ирыстоны дæр æввахс къуырийы дæргъы боныгъæд нæ барухс кæндзæн цæрджыты зæрдæтæ хъарм бонтæй. Ам дæр уыдзæн къæвдатæ æмæ асæст боныгъæд.
УУМ прогнозтæм гæсгæ, Транскамы дæр къуырийы дæргъы уыдзæн зæйты æрцыдæй тас. Уæлвæткон уагдоны сидынц шофыртæм, цæмæй уой арæхстджын æмæ хъахъхъæной фæндагон фæтк зынвадат трассæйыл.
