ЦХИНВАЛ, 30 мар — Sputnik. Хуссар Ирыстоны фӕндӕгтыл ивгъуыд къуыри ӕрцыд ӕртӕ фӕндагон-транспортон цауы (ФТЦ). Авариты фӕстиуӕгӕн бахъыгдард сты дыууӕ адӕймаджы, хъусын кӕны республикӕйы Мидхъуыддӕгты министрады (МХМ) пресс-службӕ.
"Республикӕйы территорийыл ивгъуыд къуыри не ‘рцыд фыдракӕндтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы", - дзырдӕуы хъусинаджы.
Афтӕ ма, ивгъуыд къуыри Паддзахадон автоинспекцийы кусджытӕ сбӕрӕг кодтой фӕндагон змӕлды 210 фӕткхалды, 17 шофыры скъӕрдтой автотранспорт нозтджынӕй.
