Хуссар Иры къухдариуӕгад радта Гуырдзыстонӕн йе ’мбӕстаджы

© pixabay / diegoattorneyХуссар Иры къухдариуӕгад радта Гуырдзыстонӕн йе ’мбӕстаджы
Хуссар Иры къухдариуӕгад радта Гуырдзыстонӕн йе ’мбӕстаджы - Sputnik Хуссар Ирыстон, 1920, 01.04.2021
Рафыссын
Гуырдзыстоны ӕмбӕстаджы ӕрурӕдтой 2 февралы республикӕйы Цхинвалы районы арӕны сӕрты ӕнӕзакононӕй рахизыны тыххӕй. Ацы фӕткхалды тыххӕй уымӕн рахастой иу азы ахӕст дзырдӕй, цыппӕрӕмы йӕ радтой Гуырдзыстонӕн

ЦХИНВАЛ, 1 апр - Sputnik. Хуссар Ирыстоны къухдариуӕгад радта Гуырдзыстонӕн Гугутианкари хъӕуы 37-аздзыд цӕрӕг Рамаз Бегелурийы, кӕцыйы февралы райдайӕны ӕрурӕдтой республикӕйы арӕн фехалыны тыххӕй, марты кӕрӕтты та йын рахастой иу азы ахӕст дзырдӕй. Уый тыххӕй фехъусын кодта Паддзахадон ӕдасдзинады комитеты (ПӔК) пресс-службӕ.

"Цхинвалы районон тӕрхондон 31 марты банымадта Бегелурийы азымджыныл паддзахадон арӕны сӕрты ӕнӕзакононӕй ахизыны, ӕмӕ йын рахастой иу азы ахӕст дзырдӕй", - дзырдӕуы хъусинаджы.

Нысангонд ӕрцыд, цыппӕрӕмы, 1 апрелы, Бегелурийы кӕй радтой Гуырдзыстоны къухдариуӕгадӕн.

Ног хабӕртты лентӕ
0