ЦХИНВАЛ, 13 апр - Sputnik, Плиты Фатимӕ. Хуссар Ирыстоны столицӕйы азы дӕргъы ацӕудзӕн ӕхсӕз культурон мадзалы. Адӕмон сфӕлдыстады центр сорганизаци кӕндзӕн конкурстӕ, фестивальтӕ ӕмӕ фоторавдысттӕ.
Культурӕйы министрады дӕлбар адӕмон сфӕлдыстадон центр ӕнгӕс мадзӕлттӕ уадзы ӕрвылаз дӕр. Сӕ хъӕппӕрисӕй равзарынц хуыздӕр кафджыты, вокалистты, фотографты.
"Ныр ӕхсӕзӕм хатт ацӕудзысты зарӕггӕнджыты фестивальтӕ "Ирыстоны хъӕлӕстӕ", "Бинонтӕ - курдиатты стъалыгуыппар", адӕмон кафты фестиваль "Ирон кафт". Ныр ӕхсӕз азы дӕргъы цӕуы фотоконкус ӕмӕ йӕ фӕстӕ та хуыздӕр куыстыты равдыст", - загътой министрады пресс-службӕйы.
Ноджы ма иу гуырахстджын сфӕлдыстадон мадзал та суыдзӕн "Ирон адӕмон кӕфтытӕ ӕмӕ хъӕзтытӕ", бафтыдтой уагдоны.
Мадзæлттæ нывæзтгонд сты азы дыккаг хаймæ.
