ЦХИНВАЛ, 23 апр - Sputnik, Хъуылымбегты Зӕлинӕ. Хуссар Ирыстоны дыккаг суткӕ фӕд-фӕдыл не сбӕрӕг кодтой коронавирусӕй ног рынчынты, фехъусын кодта Sputnik санитарон уагдоны сӕргълӕууӕг Коцты Марина.
"Коронавирус рабӕрӕг кӕныны фӕдыл 47 тестӕй иу дӕр нӕ радта ӕвӕрццаг фӕстиуӕг", - загъта Югосетпотребнадзоры сӕргълӕууӕг.
Коцты Марина бафтыдта, иу суткӕмӕ медицинон хыгъдӕй кӕй систой ӕхсӕз адӕймаджы, пандемийы рӕстӕджы сӕнӕнизуӕвджыты иумӕйаг нымӕц схызт 2 967 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 333 адӕймаджы.
Республикӕйы пандемийы рӕстӕджы ӕдӕппӕт сарӕзтой 21 725 тесты коронавирусон инфекци рабӕрӕг кӕныны фӕдыл, уыдонӕй 3 296 радтой ӕвӕрццаг фӕстиуӕг.
