Хуссар Иры МХМ фехъусын кодтой Цхинвалы цӕрӕджы хифехсыны лыстӕгдзинӕдтӕ

© Sputnik / Наталья АйриянМХМ
МХМ - Sputnik Хуссар Ирыстон, 1920, 12.05.2021
Рафыссын
Цау ӕрцыд дыццӕджы изӕры Цхинвалы хисӕрмагонд хӕдзӕрттӕй иуы. Нӕлгоймаджы бакодтой республикон бирӕпрофилон медицинон центрмӕ

ЦХИНВАЛ, 12 май — Sputnik, Козаты Диана. Хуссар Ирыстоны барадхъахъхъӕнӕг органтӕ бӕрӕг кӕнынц цауы ӕууӕлтӕ, кӕцыйы рӕстӕджы Цхинвалы цӕрӕг фехста йӕ сӕр, хъусын кӕны Мидхъуыддӕгты министрады (МХМ) пресс-службӕ.

Дыццӕджы изӕры Цхинвалы цӕрӕджы бакодтой республикон бирӕпрофилон медицинон центрмӕ (РБМЦ) сӕр ӕхстимӕ.

"Дыццӕджы, 22.00 сахатыл Мидхъуыддӕгты министрады радгӕсон хайадмӕ бацыд хъусинаг, РБМЦ исӕн хайадмӕ уӕззау уавӕры кӕй бакодтой нӕлгоймаджы йӕ сӕр ӕхстимӕ. Барадхъахъхъӕнджытӕ цауы бынатмӕ куы бацыдысты, уӕд сбӕрӕг кодтой, горӕты 33-аздзыд цӕрӕг кӕй фехста йӕ сӕр Макаровы травматикон пистолетӕй", - фехъусын кодтой уагдоны.

Цауы фӕдыл басгӕрст уадзы Цхинвалы мидхъуыддӕгты дӕлхайад.

Ног хабӕртты лентӕ
0