Куыд банысан кӕндзысты Хуссар Иры ирон ӕвзаджы бӕрӕгбон

© Sputnik / Наталья АйриянДампалет
Дампалет - Sputnik Хуссар Ирыстон, 1920, 12.05.2021
Ирыстоны хуссары ӕмӕ цӕгаты дӕр 15 май нысан цӕуы ирон ӕвзаджы бонӕй. Датӕйӕн ӕвзӕрст ӕрцыд Хетӕгкаты Къостайы чиныг "Ирон фӕндыры" -ы мыхуыры бон

ЦХИНВАЛ, 12 май - Sputnik, Плиты Фатимӕ. Хуссар Ирыстоны астӕуккаг ахуырадон уагдӕтты ирон ӕвзаджы боны цытӕн цӕуынц гом уроктӕ, фехъусын кодта Sputnik ахуырады министрады уӕлӕмхас ахуырады хайады гӕс Джиоты Эльза.

Ирыстоны хуссары ӕмӕ цӕгаты дӕр 15 май нысан цӕуы ирон ӕвзаджы бонӕй. Датӕйӕн ӕвзӕрст ӕрцыд Хетӕгкаты Къостайы чиныг "Ирон фӕндыры" -ы мыхуыры бон.

"Скъолаты бирӕ мадзӕлттӕ цӕуы ирон ӕвзаджы боны цытӕн ӕмӕ Къостайы райгуырӕн бонмӕ. Уыдон иухаттон акцитӕ нӕ вӕййынц. Иумӕйагӕй сисгӕйӕ зӕгъӕн ис адӕм, кӕцытӕ размӕ кӕнынц мадӕлон ӕвзаг, архайынц цӕмӕй сывӕллӕттӕ дзурой иронау. Ацы бонты скъолаты цӕуынц ирон ӕвзаджы бӕрӕгбоны цытӕн гом уроктӕ", - радзырдта уый.

Уый ма бафтыдта, ахуырады министрады ирон ӕвзаджы размӕцыдмӕ здӕхт у монон-фӕткӕвӕрдон нывӕзт дӕр.

Берозты Таму  - Sputnik Хуссар Ирыстон, 1920, 02.04.2021
Ирон зарæг куыннæ ива, уæд суыдзæн музейы экспонат – Берозты Таму

"Нывӕзты фӕлгӕтты спектакльтӕм цӕуынц скъоладзаутӕ, сӕ нымӕцы районты дӕр", - бафтыдта уый.

Ирон ӕвзаджы бӕрӕгбонон мадзал цӕттӕ кӕнынц библиотекӕйы дӕр.

"Цыппӕрӕмы республикон библиотекӕйы ацӕудзӕн музыкалон-литературон изӕр "Ирон ӕвзаг - сӕдӕ 'взагимӕ ӕмкад". Изӕр уыдзӕн нывонд ирон ӕвзаджы бонӕн",- радзырдтой культурӕйы министрады пресс-службӕйы.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала