Sputnik "Спутник"-ӕй нӕ тӕрсы: агентады фыццаг кусӕг сарӕзта прививкӕ коронавирусӕй

© Sputnik / Олег РепуховӔлборты Ревмира
Ӕлборты Ревмира - Sputnik Хуссар Ирыстон, 1920, 13.05.2021
Рафыссын
Sputnik Хуссар Ирыстоны информацион агентады фыццаг кусӕг Ӕлборты Ревмира сарӕзта прививкӕ уӕрӕсейаг препарат "Спутник V"-ӕй. Уый радзырдта, цӕмӕн сарӕзта прививкӕ ӕмӕ куыд ацыд вакцинаци

ЦХИНВАЛ, 13 мая – Sputnik, Хъуылымбегты Зӕлинӕ. Хуссар Ирыстоны дарддӕр уагъд цӕуы вакцинаци коронавирусы ныхмӕ. Тӕссаг низӕй хи сӕдас кӕнын аскъуыддзаг кодта информацион агентад ӕмӕ радио Sputnik Хуссар Ирыстоны кусӕг Ӕлборты Ревмира.

Хуссар Иры вакцинӕ Спутник V сарзыны тыххӕй бахатыдысты ныридӕгӕн 500 адӕймаджы - Sputnik Хуссар Ирыстон, 1920, 12.05.2021
Хуссар Иры вакцинӕ "Спутник V" сарзыны тыххӕй бахатыдысты ныридӕгӕн 500 адӕймаджы

Коронавирусы ныхмӕ уӕрӕсейаг вакцинӕ "Спутник V"-йы фыццаг парти (дыууӕ мин дозӕйы) ӕрластой Хуссар Ирыстонмӕ 30 апрелы. Ӕмбӕстӕгтӕ вакцинаци райдыдтой цӕуын майы радайӕны.

Хуссар Ирыстоны коронавирусы пандемийы тӕмӕны Ревмира уыд бархионты нымӕцы, кӕцытӕ ӕххуыс кодтой медиктӕн "сырх зонӕйы" ӕмӕ йӕхи цӕстӕй уыдта, цахӕм уӕззау фӕстиуджытӕ вӕййы низӕн.

"Сырх зонӕйы" кусгӕйӕ ӕз уыдтон, куыд уӕззауӕй ахастой пациенттӕ ацы низ, ӕмӕ кӕй зӕгъын ӕй хъӕуы, нӕ мӕ фӕндыд бавзарын ацы низы фӕстиуджытӕ. Бирӕтӕ нӕ аразынц прививкӕ йӕ фӕрссаг эффекттӕй кӕй тӕрсынц, уый тыххӕй, фӕлӕ уыдон нӕ хъуыды кӕнынц ӕмӕ куы фӕрынчын уой, уӕд низ гӕнӕн ис уӕззауӕй ахӕссой", - банысан кодта уый.

Ӕлборты Ревмирайы ныхӕстӕм гӕсгӕ, прививкӕйӕ бон раздӕр уымӕй систой туг коронавирусмӕ антителаты фӕдыл.

"Мӕнмӕ фӕдзырдтой ӕмӕ загътой, кӕй хъӕуы ӕрбацӕуын вакцинацимӕ, уымӕн ӕмӕ мӕ туджы нӕ разынд антителатӕ. Ӕз уайтагъд ацыдтӕн РБМЦ-мӕ, цы ран зӕрдӕхӕлар медиктӕ сарӕзтой вакцинӕ", - радзырдта Ревмира.

Уый ма бафтыдта, прививкӕйы фӕстӕ медиктӕ сӕ хъус дардтой пациенттӕм ӕрдӕг сахаты бӕрц, уый фӕстӕ сӕ ауагътой хӕдзармӕ, фӕлӕ сӕ бафӕдзӕхстой, цӕмӕй хъусын кӕной сӕ уавӕры ивындзинӕдты тыххӕй.

© Sputnik / Олег РепуховӔлборты Ревмира
Sputnik Спутник-ӕй нӕ тӕрсы: агентады фыццаг кусӕг сарӕзта прививкӕ коронавирусӕй - Sputnik Хуссар Ирыстон, 1920, 13.05.2021
Ӕлборты Ревмира
Ног хабӕртты лентӕ
0