ЦХИНВАЛ,14 май – Sputnik, Хъуылымбегты Зӕлинӕ. Хуссар Ирыстоны иу суткӕмӕ нӕ рабӕрӕг кодтой коронавирусӕй иу ног рынчыны дӕр, фехъусын кодта Sputnik республикӕйы сӕйраг санитарон уагдоны сӕргълӕууӕг Коцты Марина.
"COVID-19 рабӕрӕг кӕныны фӕдыл ӕртыццӕджы лабораторийы цы 40 тесты сарӕзтой, уыдонӕй иу дӕр нӕ равдыста вирусы уӕвынад. Ацы рӕстӕджы ма медицинон хыгъдӕй систой цыппар адӕймаджы", - загъта Коцты Марина.
Дохтырты хъусдарды бын ма стационарон ӕмӕ амбулаторон хоскӕнынадыл сты 322 адӕймаджы.
Республикӕйы пандемийы рӕстӕджы ӕдӕппӕт сарӕзтой 22 312 тесты коронавирусон инфекци рабӕрӕг кӕныны фӕдыл, уыдонӕй 3 330 радтой ӕвӕрццаг фӕстиуӕг. Сӕнӕнизуӕвджыты нымӕц схызт 3008 онг.
