Уæрæсейы академион фæсивæдон театр æрцæудзæн Цхинвалмæ гастрольты

© Sputnik / Владимир Федоренко / Ахизын фотобанкмӕУæрæсейы академион фæсивæдон театр
Уæрæсейы академион фæсивæдон театр  - Sputnik Хуссар Ирыстон, 1920, 18.05.2021
Сфæлдыстадон къорд 28 æмæ 29 майы фыццаг хатт ралæудзæн Хуссар Ирыстоны паддзахадон драмон театры сценæйыл

ЦХИНВАЛ, 18 май — Sputnik, Плиты Фатимæ. Уæрæсейы академион фæсивæдон театр æрцæудзæн Хуссар Ирмæ гастрольты. Цхинвалы труппæ бавдисдзæн дыууæ спектаклы - "Чехов-GALA" æмæ "Денискины рассказы". Уазæг театры гастрольтæ нысангонд сты мæйы кæронмæ,  фехъусын кодта Sputnik ПДТ –йы директор Уалыты Мæдинæ.

"Гастролты фæсарæйнаг хахх гом кæны Уæрæсейы академион фæсивæдон театр. 28 æмæ 29 майы уыдон фыццаг хатт ралæудзысты Хуссар Ирыстоны паддзахадон драмон театры сценæйыл. Труппæ равдисдзæн дыууæ спектаклы - "Чехов-GALA" æмæ "Денискины рассказы", - загъта директор.

Уæрæсейы академион фæсивæдон театр у ныридæгæн Уæрæсейы иунæг театр фæсивæдæн. Йæ репертуары ис уæрæсейаг æмæ фæсарæйнаг классикты уацмыстæ. Труппæ нымад цæуы Мæскуыйы хуыздæр къордыл. Разамынад йын дæтты РСФСР адæмон артист, Станиславскийы номыл премийы лауреат Алексей Бородин.

Хуссар Ирыстоны паддзахадон драмон театр - Sputnik Хуссар Ирыстон, 1920, 17.05.2021
Ӕрхонгӕ режиссер Цхинвалы бавдисдзӕн комеди "Дон Жуан"

Спектакль "Чехов-GALA" у Чеховы иуактон пьесæты - "Предложение", "Свадьба", "Юбилей", "О вреде табака" - композици. "Чехов-GALA" у сæ сæйраг спектакль, архайы дзы театры труппæ æххæстæй. Æвдисдзысты йæ 28 майы.

Спектакль "Денискины рассказы" æвæрд æрцыд Виктор Драгунскийы уацмысмæ гæсгæ. Иттæг хорз у бинонты бакастæн.

Уæрæсейаг театры балц организацигонд цæуы гуырахстджын нывæзт "Большие гастроли"-йы фæлгæтты. Уæрæсейы культурæйы министрады гастролон нывæзт æххæстгæнгæйæ "Росконцерт" бацæттæ кодта фæсарæйнаг хаххыл 17 горæты равдысттæ. Гастролты архайы 11 театры - Украина, Азербайджан, Киргизия, Гуырдзытон æмæ æндæр бæстæты труппæтæ.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала