Хуссарирыстойнаг боксер Къудухты Артур сног кодта йӕ тренировкӕтӕ травмӕйы фӕстӕ

© Из архива Артура Кудухова Къудухты Артур
 Къудухты Артур - Sputnik Хуссар Ирыстон, 1920, 20.05.2021
Профессионалон боксер травмӕ райста ивгъуыд азы кӕрон. Уый ныфс ис, тагъд рӕстӕджы та ногӕй кӕй рахиздзӕн рингмӕ

ЦХИНВАЛ, 20 май – Sputnik, Хъуылымбегты Азӕмӕт. Хуссарирыстойнаг профессионалон боксер Къудухты Артур ногӕй бавнӕлдта тренировкӕтӕм травмӕйы фӕстӕ, фехъусын кодта Sputnik спортсмен йӕхӕдӕг.

Спортсменӕй йе 'нӕниздзинад бахъыгдард ивгъуыд азы кӕрон. Йӕ ныхӕстмм гӕсгӕ, ныр уый цадӕггай архайы йӕ раздӕры формӕ раздахыныл.

"Фӕнды мӕ тагъддӕр рахизын рингмӕ, дарддӕр тырнын профессионалон боксы бӕрзӕндтӕм. Ныфс мӕ ис, ацы аз кӕй ауадздзӕн мӕ радон тох", - загъта Къудухты Артур.

Травмӕ райсыны размӕ спортсмен ауагъта дыууӕ профессионалон ныхмӕлӕуды. Фыццаг хатт уый рахызт рингмӕ Васиф Мамедовы ныхмӕ, тох ахицӕн ӕмгъуыдӕй раздӕр. Дыккаг хатт та Къудухты лӕппу нокауты арвыста Махсудохон Амировы.

Къудухты Артур архайы фыццаг уӕззау уӕзы (91 килограмм). Йӕхи цӕттӕ кӕны боксерон клуб "Ариана"-йы тренер Сланты Виталийы дӕлбар.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала