Хуссар Иры автоинспекци рахызт куысты фæтыхджындæргонд режиммæ

© Sputnik / Наталья АйриянЦхинвал
Цхинвал - Sputnik Хуссар Ирыстон, 1920, 24.05.2021
Автоинспекци сиды хæдтулгæты хицæуттæм, цæмæй ма дæттой сæ транспорт æнахъомтæм

ЦХИНВАЛ, 24 май — Sputnik, Плиты Фатимæ. Хуссар Ирыстоны паддзахадон автоинспекци рахызт куысты фæтыхджындæргонд режиммæ "Фæстаг дзæнгæрæджы" рæстæджы фæндагон фæткы фехæлдтæ ма руадзыны тыххæй, фехъусын кодта Sputnik паддзахадон автоинспекцийы агитаци ӕмӕ пропагандӕйы хистӕр инспектор Уалыты Альма.

Фæстаг дзæнгæрæг Хуссар Ирыстоны æппæт скъолаты дæр айзæлдзæн дыццæджы, 25 майы.

"Ӕхсæнадон æмæ фæндагон змæлды фæтк бахъахъхъæныны сæраппонд уагдоны кусджыты ракодтой куысты фæтыхджындæргонд режиммæ", - загъта уый.

Инспекторы ныхæстæм гæсгæ, фæткхалджытæ æфхæрд цæудзысты административон æмæ уголовон æгъдауæй.

"Транспорт  æнæ бартæй чи скъæра, уыдон административон æгъдауæй æфхæрд цæудзысты. Уымæй дарддæр ма йæ хæдтулгæ чи радта скъæрыны бартæ кæмæ нæй, ахæммæ, уый дæр æрцæудзæн иваргонд, йæ транспорт та лæвæрд æрцæудзæн сæрмагонд фильтрацигæнæн къордмæ", - бафтыдта уый.

Автоинспекци ма сиды хæдтулгæты хицæуттæм, цæмæй ма дæттой сæ транспорт æнахъомтæм.

Сæрмагонд режим архайы 24 маййæ сæрмагонд барамынды онг.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала