Хуссар Иры рауагъдонтӕн айзӕлыд фӕстаг дзӕнгӕрӕг

© Sputnik / Natalia Airiyan Хуссар Иры рауагъдонтӕн айзӕлыд фӕстаг дзӕнгӕрӕг
Хуссар Иры рауагъдонтӕн айзӕлыд фӕстаг дзӕнгӕрӕг - Sputnik Хуссар Ирыстон, 1920, 25.05.2021
Иуӕндӕсӕмкъласонтӕн сӕ царды ног этапмӕ бахизыны фӕдыл раарфӕ кодтой ахуыргӕджытӕ, ныййарджытӕ ӕмӕ скъоладзаутӕ. Изӕры та сын Цхинвалы централон фӕзуатыл ацӕудзӕн бӕрӕгбонон концерт

ЦХИНВАЛ, 25 май — Sputnik, Хъуылымбегты Зӕлинӕ. Хуссар Ирыстоны скъолаты дыццӕджы айзӕлыд фӕстаг дзӕнгӕрӕг 519 иуӕндӕсӕмкъласонӕн.

Зноны скъоладзаутӕн цытджын линейкӕты рӕстӕджы раарфӕ кодтой ахуыргӕнджытӕ. ныййарджытӕ ӕмӕ хӕлӕрттӕ. Колыты Аксойы номыл Цхинвалы Аивӕдты лицейӕн ацы рауагъд уыд 21-ӕм - ацы аз ам скъолайӕн хӕрзбон загътой 34 рауагъдоны.

© Sputnik / Natalia AiriyanХуссар Иры рауагъдонтӕн айзӕлыд фӕстаг дзӕнгӕрӕг
Хуссар Иры рауагъдонтӕн айзӕлыд фӕстаг дзӕнгӕрӕг - Sputnik Хуссар Ирыстон, 1920, 25.05.2021
Хуссар Иры рауагъдонтӕн айзӕлыд фӕстаг дзӕнгӕрӕг

Цытджын линейкӕ лицеисттӕн, традицимӕ гӕсгӕ, ссис сӕ курдиӕттӕ равдисыны фӕзуат. Зарджытӕ, кафт ныййарджытимӕ, хӕрзбонон вальс ӕмӕ рауагъдонты цӕссыгтӕ - ахӕмӕй бахъуыды кӕндзысты лицейы ахуырдзаутӕ ацы бон.

© Sputnik / Natalia AiriyanХуссар Иры рауагъдонтӕн айзӕлыд фӕстаг дзӕнгӕрӕг
Хуссар Иры рауагъдонтӕн айзӕлыд фӕстаг дзӕнгӕрӕг - Sputnik Хуссар Ирыстон, 1920, 25.05.2021
Хуссар Иры рауагъдонтӕн айзӕлыд фӕстаг дзӕнгӕрӕг

Столицӕйы 2-ӕм астӕуккаг скъолайы мадзалмӕ ӕрбамбырд ис сӕдӕйӕ фылдӕр адӕймаджы. Арфӕйаг дзырдтимӕ рауагъдонтӕм ӕрсидт уагдоны директор Ольга Михаилиди. Мадзалы кӕрон скъоладзаутӕ суагътой арвы хъӕбыстӕ уӕлдӕфон тымбылӕгтӕ.

© Sputnik / Natalia AiriyanХуссар Иры рауагъдонтӕн айзӕлыд фӕстаг дзӕнгӕрӕг
Хуссар Иры рауагъдонтӕн айзӕлыд фӕстаг дзӕнгӕрӕг - Sputnik Хуссар Ирыстон, 1920, 25.05.2021
Хуссар Иры рауагъдонтӕн айзӕлыд фӕстаг дзӕнгӕрӕг

Иууыл цъусдӕр рауагъдонтӕ ацы аз уыд столицӕйы 11-ӕм скъолайы - ӕрмӕстдӕр цыппар иуӕндӕсӕмкъласоны, фӕлӕ, уымӕ ӕнӕкӕсгӕйӕ, уыдон арвыстой диссаджы цымыдисон ӕмӕ хъӕлдзӕг бӕрӕгбон.

© Sputnik / Natalia Airiyan Хуссар Иры рауагъдонтӕн айзӕлыд фӕстаг дзӕнгӕрӕг
Хуссар Иры рауагъдонтӕн айзӕлыд фӕстаг дзӕнгӕрӕг - Sputnik Хуссар Ирыстон, 1920, 25.05.2021
Хуссар Иры рауагъдонтӕн айзӕлыд фӕстаг дзӕнгӕрӕг

Гимнази "Рухс"-ы рауагъдонтӕн та абон фӕстаг дзӕнгӕрӕг айзӕлыд паддзахадон киноконцертон зал "Чермен"-ы, цы ран сценӕйыл цытджын линейкӕ ацыд 21 скъоладзауӕн.

© Sputnik / Natalia Airiyan Хуссар Иры рауагъдонтӕн айзӕлыд фӕстаг дзӕнгӕрӕг
Хуссар Иры рауагъдонтӕн айзӕлыд фӕстаг дзӕнгӕрӕг - Sputnik Хуссар Ирыстон, 1920, 25.05.2021
Хуссар Иры рауагъдонтӕн айзӕлыд фӕстаг дзӕнгӕрӕг

Гимназистты ныййарджытӕ сын бацӕттӕ кодтой сюрприз - сӕ къамтимӕ билборд столицӕйы центры, 8 июны ӕмӕ Путины уынджы алвӕндагыл. Уый бирӕ цины ӕнкъарӕнтӕ сӕвзӕрын кодта гимназийы рауагъдонтӕн.

© Sputnik / Natalia Airiyan Хуссар Иры рауагъдонтӕн айзӕлыд фӕстаг дзӕнгӕрӕг
Хуссар Иры рауагъдонтӕн айзӕлыд фӕстаг дзӕнгӕрӕг - Sputnik Хуссар Ирыстон, 1920, 25.05.2021
Хуссар Иры рауагъдонтӕн айзӕлыд фӕстаг дзӕнгӕрӕг

Цытджын хайы фӕстӕ фӕсивӕд, традицимӕ гӕсгӕ ныффыстой сӕ фӕндиӕгтӕ кӕрӕдзи раздарӕнтӕ ӕмӕ хӕдӕттыл.

Бӕрӕгбон адарддӕр уыдзӕн изӕры Театралон фӕзуатыл концертӕй.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала