Хуссар Иры йӕ цардӕй ахицӕн Стыр Фыдыбӕстон хӕсты ветеран Къудухты Ефросинья

© Sputnik / Natalia Airiyan Хуссар Иры йӕ цардӕй ахицӕн Стыр Фыдыбӕстон хӕсты ветеран Къудухты Ефросинья
Хуссар Иры йӕ цардӕй ахицӕн Стыр Фыдыбӕстон хӕсты ветеран Къудухты Ефросинья - Sputnik Хуссар Ирыстон, 1920, 25.05.2021
Рафыссын
Къудухты Ефросинья амард 95-аздзыдӕй. Ветеранӕн фӕстаг хӕрзбон зӕгъдзысты Цхинвалы ӕртыццӕджы, 26 майы

ЦХИНВАЛ, 25 май - Sputnik, Гӕбӕраты Элина. Хуссар Ирыстоны фӕстаг хӕрзбон зӕгъдзысты Стыр Фыдыбӕстон хӕсты ветеран Къудухты Ефросиньяйӕн. Уый ахицӕн йӕ цардӕй къуырисӕры, 24 майы.

Нырма цалдӕр къуырийы размӕ Къудухты Ефросинья райста арфӕтӕ паддзахады къухдариуӕгадӕй, ветерантӕн Уӕлахизы бонмӕ хисӕрмагонд парадтӕ куы организаци кодтой, уӕд.

"Евросинья архайдта ӕфсӕддон госпиталы Стыр Фыдыбӕстон хӕсты рӕстӕджы. Ӕз ӕй хорз зыдтон, уый уыд интеллигентон адӕймаг, активон, уарзта адӕмы. Къудухты Ефросинья уыд хорз ӕмкъай ӕмӕ мад, схъомыл кодта дыууӕ сывӕллоны. Ӕз хуыздӕр зонгӕ уыдтӕн йе ‘мкъай Плиты Мухтаримӕ – уый дӕр уыд Стыр Фыдыбӕстон хӕсты ветеран", - радзырдта Sputnik Хуссар Ирыстоны Ветеранты цӕдисы сӕрдары хӕдивӕг Уалыты Гайоз.

Къудухты Ефросиньяйы схозӕхджын кодтой бирӕ майдантӕй, сӕ нымӕцы: "Германийыл фӕуӕлахизы тыххӕй", Жуковы майдан, афтӕ ма республикӕйы паддзахадон хорзӕхтӕй.

Ветеранӕн фӕстаг хӕрзбон зӕгъдзысты Цхинвалы ӕртыццӕджы, 26 майы.

Ног хабӕртты лентӕ
0