Уæрæсейаг зонадон кусджытæ ахуыр кæнынц Хуссар Иры герпетологи

© Зеленая АланияУæрæсейаг герпетологтæ
Уæрæсейаг герпетологтæ - Sputnik Хуссар Ирыстон, 1920, 28.05.2021
Зынгæ биолог Габайты Владимиры ныхæстæм гæсгæ, Хуссар Ирыстоны сахуыркæнинаг æрмæг ис бирæ - дырысӕй бӕрӕг не сты хæфсыты, гæккуырты æмæ æндæр мыггæгты хуызтæ республикӕйы

ЦХИНВАЛ, 28 май — Sputnik, Плиты Фатимæ. Уæрæсейаг герпетологты къорд бакусдзæн Хуссар Ирыстоны хилджытæ æмæ амфибиты хуызтæ сахуыр кæныныл. Зындгонд биолог æмæ телеамонæг Габайты Владимир куыд фехъусын кодта Sputnik, афтæмæй  æртæ зонадон кусæджы æрзылдысты республикæйы хицæн къуымтыл æмæ семæ ахастой ахуыр кæнынæн æрмæг.

Габайты Владимир йæхæдæг дæр бамбал ис уазæг ахуыргæндтимæ сæ балцы Хуссар Ирыстоныл.

"Уый уæрæсейаг специалисттæн у сæ радон æрцыд. Уазджыты нымæцы уыдысты дыгурæй æрцæугæ ахуыргонд, биологон зонæдты кандидат, Хуссар Иры "Сырх чиныджы æмавтор Лотиты Константин. Йæ ном зонады дунейы айхъуыст ног хъæстæ калмы бакондæй, кæцы хæссы ахуыргонды ном – "Гадюка Лотиева". Йемæ ма уыд æвзонг генентик Полина Джелеали, кæцы ахуыр кæны хилæгты сæ къæдзилтæм гæсгæ. Афтæ уый сахуыр кæндзæн гæккуыры биографи, йæ равзæрд, цы регионы цæры", - радзырдта Габайты Владимир.

Ахуыргæндтæ æрзылдысты Цхинвалы районыл, Рукъгом æмæ Урс Туалтыл, Чъех æмæ æндæр хъæутыл, федтой Жриайы карджын заз.

Цхинвалы бирӕуӕладзыгон хӕдзармӕ бабырыд калм - Sputnik Хуссар Ирыстон, 1920, 28.05.2021
Цхинвалы бирӕуӕладзыгон хӕдзармӕ бабырыд калм

"Уазджыты куыстæн æмархайд кодтой бынæттон цæрджытæ. Ӕз æмæ сæ мæ чызг Зæлинæ æрзилын кодтам Хуссар Иры къуымты. Уый фæстæ сын Цхинвалы районы хистæры хæдивæг Бибылты Валерий фенын кодта æвæрд бынæттæ. Ӕрфысым сæ кодта Цхинвалы цæрæг Тасойты Юрий", - бафтыдта уый.

Хуссарирыстойнаг биологы ныхæстæм гæсгæ, ахуыргондтæ ноджы фæнд кæнынц æрцæуын Цхинвалмæ. Уый бахахх кодта, Хуссар Ирыстоны сахуыркæнинаг æрмæг бирæ кæй ис - дырысӕй бӕрӕг не сты хæфсыты, гæккуырты æмæ æндæр мыггæгты хуызтæ республикӕйы.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала